[ สุขใจ ดอท คอม บ้านหลังเล็กอันแสนอบอุ่น ] ธรรมะ พุทธประวัติ ฟังธรรม ดูหนัง ฟังเพลง เกมส์ เบาสมอง ดูดวง สุขภาพ สารพันความรู้

(http://i269.photobucket.com/albums/jj73/yyswim/blog019/07a.jpg)

- - จากใจแม่.. ถึงลูกๆ
บทกวีอีสาน : คุณครูสุดใจ จ.สกลนคร

(เกริ่น) โอ่………โอย ละหนอ………….. ละบุญเอ๋ย บุญที่นางเคยสร้าง
สังบ่แปงหนทางพอให้ลูกเทียวไต่ ละซ่างมีบาปมาแล่นเข็น
ละสังมีเวรมาแล่นต้อง ให้นางน้อง..ห่างแม่มา…ละนา.

(http://www.yimwhan.com/board/data_user/tunggeran/photo/cate_3/r2_36.jpg)

1) ฟังเด้อพวกพี่น้อง ท้องถิ่นดินไทย ฉันสิไขวาจา เรื่องราวพอฮู้
หมู่เขาล่องเขาคั่นคึดนำกันบาดสิจาก คึดยากนำห่วงชู้ยามสิได้ห่างหนี
แต่ว่าโตนางนี้ ผัดคึดต่างบ่คือเขา คึดเถิงคุณมารดาเฮามากมายหลายล้น
เกิดเป็นคนมาได้ กะบุญหลายเหลือหลาก แม่เพิ่นยาก ยิ่งล้น
แต่ชีวิตเริ่มต้นเป็นคนเข้าสู่ครรภ์
ได้เก้าเดือน แม่อุ้มท้องอยู่หั่นหนักหน่วยทรมาน น่าสงสารตอนเจ็บ
เก้าเดือนตอนถ้วน
แม่โอดครวญเจ็บท้อง สยองขวัญ…….เอ๋ย….ตอนคลอด
ฮอดมื่อเจ็บปวดท้อง แม่หลงฮ้อง…อยู่ผู้เดียว… เสียวใน ใน……..ละนา

(http://t3.gstatic.com/images?q=tbn:ANd9GcTRzdcO7o0WNmHyxbPNKiG7OWlmHFqid_-WED-t2U7M5DgTe7k&t=1&usg=__PmRRHiXAKd_2xo4bGEypv8IR8Xk=)

2) ละบาดนี้ออกมาแล้วกะได้ เอาใจใส่บ่หนีปำ
ฮักปานแตง แพงปานตา แม่บ่ป๋าวางไว้
เทิงอยู่ไฟ ขางทางหลัง ขางทางหน้า ย้านน้ำนมบ่มา แม่เทิงย่าง แม่เทิงจี่
ยา..ใด๋ดีกะได้ เอามาให้ซ่อยน้ำนม
เลือดผสมในอกให้ กลั่นออกจากทางในเป็นน้ำนมให้ลูกดื่ม
ลูก ลูก บ่ควรลืม พระคุณแม่มากล้น ดินฟ้า กะบ่ปาน
นอนหลับอยู่กะย้านหิ่นไต่ ไฮตอม แม่ถนอมแพงฮัก บ่ให้หยังดอกมาใกล้
กว่าสิหลับลงได้ เทิงไกวเปล เทิงกล่อม…โอย…น้อ

(http://www.weekendhobby.com/offroad/kia/picture/68255215144.jpg)

(เพลงกล่อมลูกภาคอีสาน) อือ…นอนสาหล่าหลับตาแม่สิกล่อม
นอนหลับแล้วลูกแก้วแม่สิไกว
แม่ไปไฮ่หมกไข่มาหา แม่ไปนาปิ้งปลามาต้อน
แม่เลี้ยงม่อนให้นอนอู่สายไหม….อือ…อื้อ….อือ

(http://www.oknation.net/blog/home/blog_data/302/10302/blog_entry1/blog/2010-06-29/comment/615602_images/5_1277784993.jpg)

(ลำ) กว่าสิหลับลงได้เทิงไกวเปลเทิงกล่อม เห็นลูกนอนอ้อมล้อมหลับแล้วจั่งส่วงใจ
ลูกพาหัว จั่งได้หัว ลูกพาไห้ กะได้ไห้ แม่นี้แสนดีใจ ยามเห็นลูกห่าวซื่น
ลูกพาหลับจั่งได้หลับ ลูกพาตื่นกะได้ตื่น เวลาเลี้ยงลูกน้อยจนวินม้อยแม่นจ่อยโซ .....ละนา......

(http://t1.gstatic.com/images?q=tbn:fuct_aIyRfy11M)

3) ละบาดนี้ เวลากายไปพ้นลูกเป็นคนจนใหญ่ ย้อนน้ำนมแม่ให้กินได้จั่งใหญ่มา
คุณแม่หนักกว่าแผ่นฟ้า หาแนวเปรียบบ่มีเหมือน ลูกผู้ชายให้บวชเฮียนทดแทนพระคุณไว้
ลูกแม่หญิงกะให้เฮ็ดโตดี ทดแทนค่า อย่าพากันคิดตื้นๆ มองข้ามพ่อแม่เฮา
ละบ่มีไผฮักเจ้าท่อชีวีคือพ่อ-แม่ ให้ทำดีไว้แหน่ พระคุณแม่ น้อ มากล้น…
ทดแทนใช้ ค่าน้ำนม …สมเวลา……ละนา

(http://t0.gstatic.com/images?q=tbn:9onw0cfVkChQpM)

บทกวีท้องถิ่นอีสาน..
ความหลากหลายของภาษาไทย...

โดย : สนพลิ้วลม

(http://www.bloggang.com/data/fullgold/picture/1224842196.jpg)

http://www.numtan.com/nineboard/view.php?id=755 (http://www.numtan.com/nineboard/view.php?id=755)
Pics by : Google
อกาลิโกโฮม * ใต้ร่มธรรมดอทเน็ต
อนุโมทนาสาธุที่มาทั้งหมดมากมายค่ะ

(http://i612.photobucket.com/albums/tt202/yamiejung26/mi45.jpg)