|
หัวข้อ: คำวอนสอนหลาน ภาษากำเมือง เริ่มหัวข้อโดย: -NWO- ที่ 26 กันยายน 2555 02:46:51 ------คำวอนสอนหลาน------ บ่อดีอวดอ้างสิบปะคุณ บ่อดีทำบุญเอาแต่หน้า บ่อดีนั่งถ้าคนเมา บ่อดีแย่งเอาเมียคนอื่น บ่อดีตื่นข่าวลือ บ่อดียืนเอามือจ๊กปาก บ่อดีทำบาปเป็นประจำ บ่อดีเอาคำหื้อลูกเล่น บ่อดีตื่นเต้นจ๋นเกิ๋นตั๋ว บ่อดีปึ๊ดขั๋วก่ายข้าม บ่อดีเข้าถ้ำคนเดียว บ่อดีเอาเคียงหื้อละอ่อนเล่น บ่อหลีกเว้นสังคม บ่อดีเอานมหื้อผัวก๊าบ บ่อดีโอดลาบใกล้แม่ชี บ่อดีอ้างผีเป๋นใหญ่ บ่อดีอยู่ใกล้อันธพาล บ่อดีสาบานบ่อย บ่อย บ่อดีแก๋งหอยวันศีล บ่อดีโกงกิ๋นของหน้าหมู่ บ่อดีผูกอู่บนเก๊าไม้ บ่ออีเหล้นพ้ายอย่างเปิดเผย บ่อดีทำเฉยต่อโรค บ่อดีแป๋งโต๊ดใส่คนดี บ่อดีเสียผีเก้าค่ำ บ่อดีเหยียบย่ำต๋ำรา บ่อดียะนาใกล้ป่าเฮี่ยว บ่อดีเอาเสี่ยวในเวียง บ่อดีเอาผ้าเหลือป๊กต๋อ บ่อดีไห้เป๋นหมอ บ่อดีขอเป๋นแก่ บ่อดีแห่กั๋นเลี้ยงเป็ด บ่อดีจอมเบ็ดมาเลี้ยงแขก บ่อดีแบกด้ามไม้เลี้ยงจาวเฮือน บ่อดีต๋ามเตียนแข่งฟ้า บ่อดีขี่ม้าแข่งตะวัน บ่อดีอู้กั๋นในตี่สุ่มมืด บ่อดีไขกำพืดตั๋วเอง บ่อดีข่มเหงผู้น้อย บ่อดีใส่สร้อยตอดแห บ่อดีสาระแนเรื่องคนอื่น บ่อดีสูบยาขื่นกลางคนหลาย บ่อดีทำลายของบ่าเก่า บ่อดีเอาเม็ดข้าวใส่แก่นต๋า บ่อดีเล่นหมา หมาจ่างเลียปาก บ่อดีเล่นสาก สากจ่างบุบหัว บ่อดีเล่นผัว ผัวจ่างไล่ตี๋ |